~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Kyu wo Dosti yad aati hai, Kyu wo din yaad aate hain,
Kyu ab Inteha nahi hoti, Kyu ab wo yad nahi bhulti?
Kab aayega Mausam Bahaar ka, Kab chalegi yeh Hawa..
Uljhi si hai ye Zindagi, ye kab Suljhegi?
Kuch yaaden chhod aayen hai, Kuch aaj bhi sath hain,
Ab toh wo bhi keh chuke, ke wo bas ek meethi si yaad thi..
Toh kyu ye chaaen nahi aata, Toh kyu ye sukoon nahi milta?
Wo toh kab ke keh chuke.. , woh sab puraani baat hai,
Ab ye Dil kab maanega, Un lamhon ko kab bhula payega?
Is ek-rasta si zindagi me kab dhoop aayegi?
Galat kya hai aur Sahi kya, ab yeh aalam sab jaanta hai.
Dost kaun hota hai aaj har koi pehchanta hai..
magar dekhiye sitam aaj is vaar ka..
Saathi kaun hai yeh Koi Nahi Jaanta!
~Baashindah~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
